|
| Asterix, d'n held van dees avonture. Klein, slum, scherpzinnig en duit altied mei aan de gevechte. Alle gevaorlijke opdrachte zien veur um; dao hoof neet euver gepraot te waere. Asterix haolt zien baoveminselike krach oet den toverdrank van den druïde Panoramix. |
|
| Panoramix, den alde, ierbiedwaerdige druïde van 't dörp, plök maretek en brouwt allerlei drenkskes. 't Meiste succes haet hae mit zienen toverdrank: wae dae drink krieg 'n baoveminselike krach. Maar Panoramix haet nog andere recepte in veurraod ... |
|
| Assurancetourix is d'n dörpszenger. De meininge euver um zien verdeild. Haezelf vindt det hae geniaal is, de res van 'r dörp vindt van neet. Det is enne gezellige snaak wao de minse hièl gaer met te doon hebbe, zoe lang asse maar ziene mond hilt. |
|
|
| Obelix, altied in de buurt van ziene vrind Asterix, is steinhouwer van zien vak en it niks lever als wild verke. Obelix steit alzelaeve klaor um alles in de steek te laote en Asterix te volgen in ein niej avontuur. As hae maar wild verke te aete krieg en zich aaf en toe ens flink kan knokke. |
|
| En dan nog Abraracourcix. Det is 't stamhoof. Staatsig, met vuuël lef, gauw op zien tieëne getraoje, wuuërd dezen alde vechtersbaas door zien eige manne op hand gedrage, door de vijand zièr gevrees. Abraracourcix is maar veur ein dink bang: det um den hemel op de kop velt, maar, wie hae zelf zaet: "Det is neet wat van vandaag op morge." |
|
