|
| Ástríkur gallvaski, er aðalhetja okkar. Málfræðingar deila
um hvernig viðurnefni hans til komið, sumir telja að það
þýði vaskur Galli, aðrir að það sé vegna þess, að sá galli
er á fræknleik hans, að honum þverr máttur, nema Sjóðrikur
hressi upp á hann. En vaskur er hann. |
|
| Sjóðríkur seiðkarl er gamall þulur, sem situr löngum yfir
mannætupottinum sínum og bruggar margan seyð. Annars
er hann oft á ferli upp í eikartrjám að höggva mistiltein.
Frægasta uppskrift hans er kjarnadrykkurinn, leynivopn
Gaulverjabæjarmanna. |
|
| Óðrikur algaula er hið heimsfræga ljóðskáld Gaulverjabæjarmanna, sem getur átt von á því á hverri stundu að fá
nafla-verðlaunin. Þó eru allskiptar skoðanir um listræna
hæfileika hans. Hann er sjálfur í þeim hópi sem telur sig
frábæran, en allir aðrir eru í hinum hópnum. |
|
|
| Steinríkur alvaski er hinsvegar fullkomlega hraustar. Hann
annast útburð á minnisvörðum, en er forfallinn í steikta
villigelti. Hann er stöðugt fylginautur Ástríks vinar sins og
lætur sér fátt fyrir brjósti brenna, að minnsta kosti ef hann
fær sinn steikta villigölt. |
|
| Aðalríkur allsgáði er hinn mikilhæfi
ættarhöfðingi Gaulverjabæjar.
Hann er hátignarlegur, hraustur og
all skapríkur. Hann vill gjarnan lyftast
sem hæst og næ himninum, en
það eina sem hann óttast í heiminum
er, að himnarnir hrynji yfir hann.
Það gerir hann stundum svartsýnan
og er það þá máltæki hans: "Morgundagurinn kemur aldrei." |
|
